Komisioni i Etikës i mbledhur ditën e sotme, nuk ka dale përsëri në një vendim për dosjen e Skënderbeut. Mbledhja ka filluar rreth orës 1 e 15.
Në orën 2 e 30 te gjithë anëtarët i kanë dhënë fund këtij takimi që do të shqyrtonte çështjen e klubit korçar duke e lënë përsëri pezull dosjen.
Mbledhja
Mblidhet Komisioni i Etikës për takimin e radhës, nga i cili pritet të dalë me një vendim për çështjen e dosjes “Skënderbeu”.
Në orën 13:15, anëtarët e këtij komisioni janë futur në sallën e mbledhjeve në Federatën Shqiptare të Futbollit, për të diskutuar hapat që do të ndërmerren, nëse do të ketë një dënim apo jo për korçarët sa u përket ndeshjeve të cilat UEFA i ka argumentuar si të manipuluara në sezonet e kaluara në kampionatin shqiptar.
Dosje të tilla ka për thuajse secilin prej klubeve shqiptare, por çështja e Skënderbeut është kthyer në prioritet që prej dënimit të dhënë nga UEFA për ekipin korçar dhe hapjes së hetimeve nga Prokuroria për drejtuesit dhe futbollistët e klubit që përmenden në dosjen e dërguar nga ndërkombëtarët. /PanoramaSport